Davao City – Mireklamo sa kapulisan si alyas Bebing, 41 anyos, nagpuyo sa Puan, Barangay Talomo Davao City, human gibaklad sa iyang silingan samtang naligo sa ilang banyo pasado alas 9:30 sa kabuntagon.
Sa blotter sa Talomo PNP, samtang nanglugod sa iyang liog ang biktima ug sa paghangad niiini iyang nakita ang suspek nga si Jhon Reel Bantayan, 25 anyos, construction worker ibabaw sa mangga nga nag masturbate samtang nagtan-aw kaniya nga naligo.
Nisyagit ang biktima dungan sa pagpangayo’g tabang samtang dali usab nga milukso ang suspek dayong dagan sibat sa wala matino nga direksyon.
Giporma gilayon ni Police Chief Inspector Ronald Lao ang team sa kapulisan aron respondehan ang insidente nga miresulta sa pagka aresto sa suspetsado nga nagtingkagol na karon sa selda sa presinto tres.
RadyoMaN Erin Lumosbog
