Davao City – Samad ug bun-og ang naangkon sa usa ka construction worker nailang Ruel Autida, 37-anyos, netibo sa Brgy. Limbaan, Tagum City, human matud pa gibunalan og botilya sa bino sa suspetsadong hubog nga si Jonathan Mira, hingkod ang edad, ug residente sa R.G.A Village, Dacudao, Agdao ning siyudad sa Davao.
Subay sa report sa Sta. Ana PNP, samtang anaa sa construction site alas-9:50 sa gabie ang biktima kalit kining giduol sa suspect diin gipangutana kung nakabayad na ba sa iyang utang ug giingon sa biktima nga nakabayad na ngadto sa asawa sa suspect duha ka semana na ang milabay.
Apan nakurat nalang ang biktima gumikan kalit nasuko ang suspect ug mikuha’g botelya dayon namunal tumong sa ulo hinungdan sa maayong pagkahiwa sa walang bahhin sa kilid niini.
Human sa panghitabo igo nalang sa pagdangop sa Presinto Dos ang biktima ug pursegido usab nga mupasaka og kaso batok sa suspetsado.
RadyoMan Don Pulayao
