Davao City – Nakaangkon og samad dinuggaban sa nagkadaiyang parte sa lawas ang usa ka construction worker human gidunggab alas 7:25 kagabie sa may Purok 3 Isla Verde, Brgy. 23-C, syudad sa Davao.
Sa report gikan sa Sta. Ana PNP, ang biktima usa ka Joseph Bernal, hingkod ang edad, nagpuyo sa nahisgutang lugar samtang ang suspek mao si Rodge Laganzo, hingkod ang edad ug walay kompletong address.
Matud pa sa igsu-on sa biktima nga si Avelina Bernal, kalit giduol ang biktima sulod sa ilang pinuy-anan dayon gidunggab sa suspek sa walay daghang storya.
Daling gitabang ug gidala sa Southern Philippines Medical Center (SPMC) ang biktima ug padayon pa gitambalan karong panahona samtang ang kapolisan sa Sta. Ana gilayon nagresponde sa maong lugar aron sa pagsikop sa suspek apan abtik nga nakasibat sa wala masayring destinasyon.
Sa karon padayon pa gipangita sa mga police ang suspetsado kansa responsable sa pagdunggab sa biktima.
RadyoMaN Don Pulayao
