Davao City – Gidunggab ang usa ka ulitawo sa iyang kauban sa trabaho sulod sa Carmelite Hospital building nga nahimutang sa Purok 3A, Barangay San Francisco, Panabo City, Davao del Norte alas-10 sa kagabhion.
Base sa blotter sa Police Regional Office XI (PRO-XI), biktima naila sa pangalang Ronel Nante Vistal, 23 anyos, ulitawo, construction worker nga taga Sitio Quinse-Quinse, Barangay Salapawan, Paquibato City samtang ang suspek mao si Lemuel Daisay Pelayo, 21 anyos, construction worker, residente sa Purok 3A Barangay San Francisco, Panabo City, Davao del Norte.
Base sa rekord sa kapulisan, lango sa ilimnong makahubog ang duruha ug nagkalalis resulta sa ilang pag sinumbaganay.
Matod pa miuna og sulod sa building ang suspek dayon gisundan kini sa biktima.
Subay sa rekord sa kapulisan, kalit nga gidunggab og ice pick ni Pelayo si Vistal sa may dughan ug likod nga bahin sa iyang kalawasan.
Human sa hitabo daling misibat ang suspek sa wala matino nga direksyon samtang ang biktima gidala sa balay tambalanan.
Kapulisan sa Panabo naglusad na og manhunt operation alang sa pagkasikop sa suspek.
RadyoMaN Abi Bibera
