Construction worker gidunggab-patay sa iyang kainom

17

Davao City – Patay ang usa ka 51 anyos nga construction worker ug kritikal ang laing usa pa ka tawo human kini dunggaba sa ilang kaatbang nga kainom sa may Barangay Bangkas Heights Toril District ning syudad alas 7 pasado kagabii.

Mga biktima naila nga si Clemente Edullanes Garcia, 51 anyos ug si John Phillip Web Fucion, 20 anyos samtang ang suspek naila nga si Jonathan Serano Gorez, 32 anyos.

Base sa report naginom ang mga bikitima sa panimalay sa pamilyang Garcia ug sa dihang miabot sa mainit nga panagbangi ang ilang hisgutan mihulbot og kutsilyo ang suspek ug gidunggab si Garcia sa makadaghang higayon ug misulay sa pag ulang kini si Phillip apan gibalingan kini sa susptsado ug gidunggab kini.

Dead on arrival si Garcia ug anaa sa kritikal nga kahimtang si Phillip.

Hinoon nadakpan ang suspek nga si Jonathan ug balhog na sa bilangoan sa Toril PNP kinsa naka angkon sab og grabeng samad human gitabangan og kulata sa iyang mga kabanay.

RadyoMaN Paul Canono

Facebook Comments