Davao City – Patay ang usa ka Dexter Dolar, 29 anyos, usa ka construction worker nga taga-Dumalag, Matina ning siyudad human kini gidunggab sa iyang bayaw nga lalaki.
Base sa report, bandang alas-7:00 sa kagabhion sa nakalabay’ng adlaw sa may Dumalag 3, Matina Aplaya ning siyudad, nagkalalis ang suspek nga si Marvi Justaga ug ang naka puyo-puyo sa biktima tungod sa ka banha sa mga anak niini ug anaa poy anak ang suspek nga bag-o pang nahimugso.
Miabot ang biktima ug sa walay daghang pangutana gilaparo og kahoy ang suspek apan nag bitbit na diay kini og kutsilyo.
Mibalos pinaagi sa pagdunngab ug kutsilyo angnsuspek ug naigo kini sa too nga bahin sa iyang aping.
Sa nakita nga nagkadugo na ang biktima, gidala kini sa balay-tambalanan apan gideklara kining dead on arrival.
Hinuon, malapusong naaresto ang suspek human nga girespondehan sa kapolisan ug giandam na ang mga pertinenteng dokumento aron mapasakahan kini og tukmang kaso.
RadyoMaN Paul Canono
