Davao City – Patay ang usa ka Construction worker human giluba sa usa ka minor de edad natigayon alas-6:00 kagabie sa may J.P Laurel Bajada St., siyudad sa Davao.
Sa report gikan San Pedro PNP, naila ang biktima nga si Christian Padillo, 18-anyos, minyo, netibo nga taga-Malungon, Sarangani Province samtang mga suspitsado mao sila si alyas Rocky, 15-anyos ug laing usa ka alyas Jose, 15-anyos, parehong residente sa Sagrada Famillia, Brgy. 19-B ning siyudad.
Sa imbentigasyon nga gilusad sa kapolisan sa San Pedro PNP, sumala pa sa duha ka minor de edad nga pulos witness nga sila si alyas Koji ug alyas Jay nga gitabangan og kulata ang biktima sa duha ka minor de edad nga suspect duol sa usa ka dakong mall diin si alyas Rocky mikuha og icepick dayon dunggab tumong sa walang bahin sa dughan sa biktima.
Hinuon daling na aresto sa tourist police ang usa sa suspect nga si Jose samtang nakadagan ug nakasibat si Rocky.
Human sa panghitabo daling gisapupo ang biktima sa Southern Philippines Medical Center (SPMC) apan gideklara nga dead on arrival pinaagi ni Dr. Keneth Nonesa, attending physician.
Subay niini, ang suspect nga si Rocky gi-endusar sa iyang lola kagahapon sa buhatan sa Women in Children Protection Desk (WCPD-San Pedro PS).
Sa pagkakaron gikustodiya na ang duha ka mga suspek didto sa Bahay Pag-Asa, Bago Oshiro kagahapong adlawa.
RadyoMaN Don Pulayao
