Polomolok, South Cotabato—samad sa iyang tiyan ug likod ang naangkon sa usa ka Construction worker human kining gipusil sa wala pa mailhing suspek samtang siya anaa sa peryahan sa may Purok. Maunlad, Barangay Silway 8, Polomolok, South Cotabato.
Ang biktima giilang si Saberin Alaiden, residenti sa Barangay Silway 8, Polomolok. Alas 9:10 ang takna sa gabie sa adlwng Domingo, July 30, 2017 gihagad matud pa sa iyang usa ka kauban ang biktima nga musuroy sa peryahan sa may Prk. Maunlad.
Pag abot sa lugar kalit lang kining gipusil sa wala mailhing suspetsado igo sa iyang tiyan ug sa iyang likod nga bahin.
Paspas nga misibat ang suspek human sa insidenti samtang ang biktima gidala gilayon sa Dr. Jorge Royeca Hospital.
Sumala sa igsuon sa biktima nga si Nilo Alaiden nga wala sila nasayud unsay motibo sa pagpusil sa iyang igsuon. Wala man matud pa silay nasayran nga aduna kini nakalalis o aduna ba kini atraso.
Apan sila duda nga basin ug kini may kalabutans a trabaho sa nahisgutan kansa maoy gitahasan nga mag silbing watchman sa mga materyales sa ilang gitrabahong tulay sa may Silway 8, Polomolok.
Sa kaorn padayon pa ang gihimong imbistigasyon kalabutan sa insidenti ug ginasuta pa usab sa kapulisan ang motibo sa krimen.
