Cauayan City – Nakorner ng mga awtoridad ang isang construction worker na wanted sa batas, sa Baluarte Sports Complex, Santiago City, Isabela.
Ayon sa ulat mula sa Nueva Vizcaya Provincial Police Office, ang suspek ay kinilalang si alyas “Oka”, 29 anyos, residente ng Brgy. Buenavista, Bayombong, Nueva Vizcaya, at itinuturing bilang Top 2 Most Wanted Person sa lalawigan ng Nueva Vizcaya.
Sa bisa ng warrant of arrest at sa pagtutulungan ng Nueva Vizcaya Provincial Intelligence Unit, kasama ang Bayombong PS at Santiago City Police Office, tagumpay na naaresto ang suspek dahil sa kasong Statutory Rape na kinahaharap nito.
Samantala, dahil walang inirekomendang piyansa para sa kanyang pansamantalang kalayaan, pansamantalang dinala sa kustodiya ng Bayombong PS ang suspek para sa dokumentasyon bago ipasakamay sa korteng pinagmulan ng kanyang kaso.
