Davao City – Patay ang usa ka construction worker nga si Jimmy Ramos, 45 anyos, residente sa Purok 6 Bolton Dike, Brgy. 1-A, siyudad sa Davao.
Sa report gikan San Pedro PNP samtang naglakaw ang biktima kalit kini naluya ug nawad-an og panimuot hinungdan sa pagkatumba ug nabunal ang ulo sa semento nga bahin atubangan sa usa ka establisemento sa may San Pedro St. ning siyudad sumala usab sa mga naka saksi nga miagi sa maong lugar.
Daling gitabang sa kapolisan ang biktima ug gidala sa Southern Philippines Medical Center (SPMC) apan alas-7:20 kagabie nakabsan kini sa kinabuhi.
Sa imbestigasyon nga gilusad nila SPO1 Retchie Paul Lazano ug PO3 Perfecto Tuloy Jr. sa San Pedro PNP, walay nakitang foul play ang kamatayon sa biktima diin matud sa igsuon sa biktima nga si Jeremiah Ramos nga dunay gihambing nga balatian kini partikular sa ulcer ingon man hypertention.
RadyoMan Don Pulayao
