Dumalinao, Zamboanga del Sur – Napalgang patay ang usa ka construction worker alas 8:10 ang takna sa buntag kagahapong adlawa sa Purok Camansi, Barangay Camangan, Dumalinao, Zamboanga del Sur partikyular sa gawas sa barandilya sa highway.
Nailhan ang biktima pinaagi sa identification card gikan mismo sa pitaka niini.
Ang biktima mao si Abdullah Anas Usman, 40 anyos, minyo, usa ka time keeper sa construction company ug residente sa Purok Tuburan, Barangay Balimbingan, Labangan, Zambonga del Sur.
Sa imbestigasyon sa kapulisan nasayran nga ang biktima nga nakaangkon ug daghanang samad nilubaan ug tinigbasan sa iyang dughan ug lakip na ang nagkadaiyang parte sa iyang kalawasan nga positibong hinungdan sa iyang hinanaling kamatayon. Kini base sa the ocular examination nga gipahigayon ni Provincial Crime Lab Officer ug MHO officer Dr. Patrick Kian Tolido.
Padayun pa ang gipahigayon nga makuting imbestigasyon sa kapulisan sa Dumalinao arun sa posibleng pag-ila ug pagdakop sa mga suspetsado nga responsable sa pagkalas sa kinabuhi sa biktima.
