Davao City – Patay na nga napalgan ang usa ka construction worker sulod sa usa ka kwarto.
Subay sa report sa San Pedro Police Station, giila ang biktima nga usa ka Jerry Escalicas, 52 anyos, residente sa Purok 12, Brgy. Mabuhay, General Santos City.
Gibutyag sa kauban sa biktima nga samtang nagpahigayon sila og inspeksiyon sa ilang gitrabaho-an nga building sa Barangay 19-B, Davao City, nadiskobrehan sa kwarto sa ikaduhang andana ang biktima nga naghigda ug gisulayan pagpukaw apan wala kini naglihok ug nimata.
Gitabang pa kini sa mga sakop sa Central 911 Medic Team ug Barangay Health Emergency Response Team (BHERT)sa Brgy.19-B apan wala na kini kinabuhi.
Segun sa iyang mga kauban sa trabaho, niadtong adlaw’ng Martes (Agosto 18), ang biktima nagreklamo nga adunay gibati nga pagpanakit sa iyang lawas.
Sa imbestigasyon sa kapulisan sa San Pedro, walay nakitang foul play sa kamatayon ni Escalicas.
RadyoMaN Don Pulayao
