[image: e78f4d5d6c4e6f5fa4b580baad32a39a.jpg]
Hagbong na sa kamot sa kapolisan ang construction worker nga gikunsiderang Top 7 Most Wanted Person sa presinto sa kapolisan sa San Isidro human gisilbi ang arrest warrant niini para sa kasong carnapping nga iyang giatubang.
Giila sa imbestigasyon sa San Isidro PNP ang suspek sa pangalang Meljhon Masamlok Samong alyas Janjan Samong, single ug residente sa Barangay Libi, Malapatan probinsya sa Sarangani.
Nadakpan si Samong buntag sa adlawng Myerkules sa may Superville Subdivision, Aradaza Street, Barangay Lagao pinaagi sa trackers team sa nasangpit nga presinto sa kapolisan.
Pirmado ni Judge Dennis Velasco sa Branch 23 Regional Trial Court ang warrant of arrest sa suspek gipagawas niaging Pebrero 14 2018 samtang walay girekomendang pyansa ang korte sa maong kaso.
