Davao City – Pwerting pataya sa usaka construction worker human naligsan sa usaka Prime Mover sa may C.P Garcia Highway partikular sa may traffic light haduol sa El Rio pasado 8:00 sa buntag kagahapon adlawa.
Kabsan gilayon sa kinabuhi si Alemar Nino Montebon, 21 anyos, ulitawo, residente sa Island Garden City of Samal Davao Del Norte human nalatayan sa ligid sa primover ang ulo niini.
Sa imbestigasyon, nikawat og pikas nga lane kun dalan ang van nga gimaneho sa usaka Norie Boy Blas hinungdan nga maayong pagkasaghid ngadto sa motor sa biktima.
Dihang natumba na si Montebon, ang nagsunod nga Prime Mover nga gidrayban niadtong tungora ni Alejandro Soldia giingon nga wala usab makabantay maong pwerting igoa sa biktima.
Detinado karon sa Buhangin PNP ang duruha ka mga driver samtang gihikay na ang kasong ‘reckless imprudence resulting to homicide’ nga ipasaka batok sa mga suspek.
RadyoMaN Joel Viray
