Construction worker sa banwa sang Panit-an, naluthangan-patay sang kaupdanan sini sa pag-inum!

15

Panit-an, Capiz – Nag-angkon sang patal nga pilas sa iya dughan ang 33-anyos nga construction worker makaligad ini ang ginluthang sang kaupod sa pag-inom sa Sitio Ilawod, Barangay Capagao banwa sang Panit-an. Gindeklarar nga dead-on-arrival sang gindangat sa Bailan District Hospital ang biktima nga nakilala kay Michael Obligar, residente sang nasambitan nga barangay. Nagaguha sa imbestigasyon sang Panit-an PNP, upod sa pag-inum ang biktima kag ginapahayag suspek nga nakilala kay Dennis Depanay sang nagluntad ang komprontasyon sa tunga sang mga ini apang natambangan naman sang mga kaupod nila. Nagpauli ang suspek sa ila poluy-an kag sa likom sa ihibalo sang biktima, nagkuha ini sang pusil kag pagbalik sini insigida nga ginluthang si Michael Obligar nga naigu sa dughan kabangdanan sang kamatayon sang biktima. Padayon pa nga at-large ang suspek makaligad ini ang insigida nga nagpalagyo sang makomiter ang krimen.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments