Sikop ang usa ka suspetsado sa pagpayuhot sa illegal nga droga sa gihimong joint buy bust operation sa kapulisan sa presento 5 ingon man sa police station 1 ug sa PDEA 10 alas 10:40 ang takna kagabie sa usa ka pension house sa Barangay San Miguel ning dakbayan sa Iligan.
Malampuson nga nasikop ang target nga usa ka DI listed nga nailang si Teodifer Cuizon 42 anyos, minyo usa ka construction worker, nga molupyo sa Purok 14 Barangay Saray ning syudad sa Iligan.
Napalitan kini ug usa ka sachet sa gituohang shabu, samtang sa gihimong body search, nakuha sa iyang possession ang laing duha ka sachet sa shabu diin mutimbang kini ug 0.12 grams nga adunay street value nga 3 thousand pesos, ingon man ang 500 pesos nga buy bust money.
Mag atubang sa kasong paglapas sa RA 9165 ang suspetsado nga detinado sa police station 5.
