Davao City – Padayon ang ginahimong intensive investigation ug contact tracing sa close contacts sa tulo (3) ka mga indibidwal nga nagpositibo sa Coronavirus Disease 2019 (COVID-19) United Kingdom (UK) variant dinhi sa Davao Region, diin nasayrang sa tulo (3) ka pasyente, 2 niini taga Davao de Oro.
Sa interbyu sa DXDC RMN Davao kang Dra. Marie Yvette Barez, Chair sa Infection Prevention and Control Unit of Southern Philippine Medical Center (SPMC), gisaysay niini nga kinahanglan mapaspasan ang pagpahigayon sa contact tracing sa mga nakahalubilo sa mga pasyente hangtud sa third degree kun F3 close contacts sa nahisgutan, diin nasayrang mas paspas nga makatakod ang maong variant kung itandi sa COVID-19.
“They have to look for that patient because hahanapin mo ‘yung ka-contact niya, na na-expose because those patients na na-expose might be also be positive sa variant which cannot be sometimes be detected by ordinary test,” segun ni Barez.
Gitataw ni Barez, nga walay pagbag-o sa protocols, inay kinahanglang ipadayon ang pagsunod sa ginapatumang minimum health standards aron kalikayan ang maong variant nga mao ang pagsuot of face mask, face shield, paghugas og kamot ug social distancing.
Matud sa Department of Health (DOH), ang maong tulo ka kaso sa Davao Region unang kaso sa COVID-19 UK variant nga natala sa Mindanao.
RadyoMaN Kirby Manzon
