Contact tracing sa mga nakahimamat sa OFWS nga nagpositibo sa COVID-19 sa Maasim, nagpadayon

16

Maasim, Sarangani Province–Nakapahigayon na ug contact tracing ang lokal nga panggamhanan sa Maasim sa mga adunay direktang kontak sa 52 anyos nga babae nga nagpositibo sa covid-19.

Sumala ni Maasim mayor Xyrex Pacquiao nga Hunyo 21 dihang miabot sa Maasim ang nasangpit nga OFW nga mi-abot sa Manila niadtong Hunyo 4 ug naunang nagpositibo sa virus.


Sa karon, kasamtangang gipa-ilalom sa lockdown ang Barrio Site nga sakop sa Brgy. Colon alang sa nagpadayong contact tracing.

Dugang pamahayag ni Mayor Pacquiao nga usa sa ilahang problema mao ang Barangay Facility kung asa ginabutang ang mga LSI ug ROF.

Kini gumikan dili gyud mabantayan ug sakto ang mga nasangpit hinungdan nga adunay mga protocol ang dili matuman sama sa gihimo sa nasangpit nga 56 anyos nga nagpositibo kung asa higayon nga wala ang bantay sa tunghaan kung asa sila naka-isolate, iyahang ginapasulod ang iyahang mga kabanay.

Sa karon, anaa sa 26 ka mga indibidwal ang ilahang na-trace nga adunay direktang contact sa nahisgutang ROF ug padayong gina-monitor ang ilahang kondisyon.

Kalabot niini, gibutyag ni Mayor Pacquiao nga anaa na sa stable nga kondisyon ang nahisgutang Covid Patient nga ana sa covid-19 facility sa probinsya sa Sarangani.




Nanawagan usab kini sa tanang mga nakasamulaha sa nahisgutang pasyente ingon man ang mga nakasalamuha sa mga direktang contact sa nahisgutan nga makig-alayon kanila bisan na sa mga opisyal sa barangay.

Gipaniguro usab ni Mayor Pacquiao nga nagpabiling kontrolado nila ang sitwasyon, apan higayon nga adunay magpositbo sa mga may direktang contact sa nahisguatng 56 anyos, ilaha gyud nga ipatuman ang total lockdown sa Maasim.(LVR)

Facebook Comments