Contact tracing sa posible mga nakaupod sang COVID 19 positive sa banwa sang Jamindan, insigida nga ginmando ni Mayor Mac Valdemar!

Jamindan, Capiz – Matapos nga magguha ang resulta sang pagpositibo sa COVID- 19 virus sang duha ka mga locally stranded individuals(LSIs) kag isa ka Returning OFW nga tagabanwa sang Jamindan, ginsiling ni Mayor Mac Valdemar nga insigida sini nga ginmando ang pagpatigayon sang contact tracing.
Ginsiling ni Mayor Valdemar nga sa tatlo ka mga COVID-19 positive, ang isa sa mga ini ang wala makapauli sa Jamindan matapos gilayon nga gindiretso sa Roxas Memorial Provincial Hospital(RMPH) sang nag-abot sa Capiz sang Hunyo 26.
Natapos man sang taga-Poblacion, Jamindan, Capiz ang 14- day mandatory quarantine gani nga ginpapauli ini samtang ginahulat ang resulta. Hugot man nga gin-obserbar sang amu nga persona ang strict home quarantine.
Sa pihak nga bahin, ginkumpirmar ni Mayor Valdemar nga ginmando na ang community quarantine ukon lockdown sa tatlo ka mga poluy-an kun sa diin malapit nga naga-istar ang isa ka positive patient sa Brgy Jaena Norte, Jamindan agud nga malimitahan ang hulag sang mga persona nga naka-upod sang amo nga pasyente.
Sa subong may yara pa sang ginahulat nga mga pending nga resulta sang RT- PCR ang amo nga banwa.
Pangamuyo naman sang alkalde nga kuntani wala na sang may madugang pa nga kaso. Iya man nga gin-apelar sa tanan nga kun mahimo likawan ang pagpalapta sang mga indi beripikado nga impormasyon agud nga indi magtuga sang panic sa publiko.

Facebook Comments