Continuando el investigacion

Ta continua el investigacion del maga pulis del Sta. MaruaPolice Station aserca con el matansa con Police Cpl. Edgar Gaganting del Sabado tarde.
Este el cosa ya revela el jefe del estacion si Maj. Arlan Delumpines na RMN Zamboanga.
Pero asegun conele, tiene ya sila ya puede saca copya de CCTV donde ta aparese alas 3 del tarde cuando ya sale si Gaganting na destos casa na centre del Tumaga y ya apunta para na Presa Tumaga tiene ya ta sigui dos motorsiclo todo tiene ancas.
El maga motor amo un XRM y scooter.
Pasada alas 5 del tarde cuando pa birada ya su Gaganting na diila casa ta sigui siempre el dos motor y cuando ya llega na abahada del Tumaga alya conele ya refica de tiro el uno del cuatro persona.
Asegun con Delumpines ta Mira pa sila cuantos anggulo que puede conecta con el incidente.