Gikumpirma karon sa Philippine Institute of Volcanology and Seismology nga as of 8 am karong buntag nagpabiling alert level 3 ang bulkang Mayon.
Sa gihimong press briefing ganinang buntag, giingon ni Phivolcs director Renato Solidum nga ang kahimtang karon sa Mayon makonisdera nga ‘continued lava eruption’.
Dugang pa niya ang nagapanghitabo karon sa maong bulkan sama lang sa nahitabo nga quiet eruption niadtong tuig 2006 ug 2009.
Hinuon gitino sa director nga dili usab malikayan ang ‘explosive eruption’ ilabi na kung daghan og gas ang sulod sa bulkan.
Subay niini, gipahinumduman ang publiko nga sundon ang 6KM-7KM danger zone gikan sa bulkang Mayon.
Sa maong media briefing, miingon si Presidential Spokesperson Harry Roque nga padayon ang pagtunol og assistance sa gobyerno ngadto sa mga pamilya nga naapektohan niini nga kalamidad.
Matod pa mitunol na og 6million pesos assistance ang DSWD samtang aduna usab 12M assistance ang padayon pang ginapaabot karon sa lugar sa Albay.
RadyoMaN Abi Bibera
