Davao City – Gisuportahan sa Talikala Inc. Davao, usa ka non-government organization, ang pagpanghatag og libreng contraceptives sa community pantries sa dakbayan sa Davao.
Sa interbyu sa DXDC RMN Davao kang Jeanette Laurel-Ampog, Executive Director sa Talikala-Davao, gisaysay niini nga gawas sa pagkaon, nanginahanglan usab ang tawo og reproductive health commodities sama sa condoms, pills ug lubricants.
Matud ni Ampog sa panahon karon, lisod makaadto ang tawo sa health center ug ubang health facilities kay limitado ang lihok tungod sa pandemya rason nga mas maayo ang nahimong lakang sa nagpasiugda sa contraceptives sa community pantries.
“Maayo na mga move nga naay provision sa reproductive health services ug kanang commodities aron matabangan ang mga tao. Kung gusto nila dili mabuntis, kung gusto nila dili magsakit, naa silay free supply ng reproductive health commodities,” segun ni Ampog.
Dugang ni Ampog, dako kini og tabang aron mapaubos ang teenage pregnancies ug unplanned pregnancies sa mga hamtong o mga magtiayon.
RadyoMaN Kirby Manzon
