Control measures downgrading giduso

22

Davao City – Pabor ang usaka kanhing opisyal sa Inter-Agency Council for Traffic (I-ACT) sa pagpabalik-normal sa mga pampublikong transportasyon karon nga anaa na sa General Community Quarantine (GCQ) ang daghanang lugar sa nasud.

Matud ni kanhi I-ACT Executive Deputy Director Elmer Argano, pabyaheon na og balik ang pampublikong mga sakyanan karon nga mibalik na sa trabaho ang mga trabahante sa mga lugar nga gipaubos na sa GCQ classification.


Apan gitataw ni Argano nga ang pagbalik-normal sa transportasyon gikinahanglang magsubay kon mag-agad usab sa gidaghanon sa mga tawo nga dunay trabaho ug dunay transaksiyon ug lakaw sa gawas.

Gipaboran usab ni Argano ang pag-abli sa matag boundary kun territorial borders sa mga lugar aron ang mga na-stranded sa laing mga lugar, makauli na ug mahiusa na uban sa ilang tagsa-tagsa ka mga pamilya nga pila ka bulang nahimulag kanila.

Dugang ni Argano, importanteng magpabilin gihapon ang paghikaw sa gitawag nga ‘vulnerable sectors’ sama sa mga senior citizens,kabataan, mga buros ug uban pa nga maka-navigar sanglit prone kon bulnerable kaayo sila ning peligroso kaayong matang sa balatian.

RadyoMaN Joel Viray

Facebook Comments