CADIZ CITY, NEGROS OCCIDENTAL – Ginpulihan kastigo kag ginbuno sang 5 ka mga “tambay” ang isa ka construction worker kaina sang kaagahon sa City Park sang Cadiz City.
Nakilala ang biktima nga si Eddie Rico, 20 anyos ang edad, single, isa ka construction worker kag pumuluyo sang Narra 1, Brgy. Tinampaan, Cadiz City.
Ang mga suspek naman nga lunsay jobless ukon wala sang trabaho ang ginkilala nga sanday Oliver Agustin, 18 anyos, pumuluyo sang Villa Luisa, Brgy. Luna, Carlo Enumerables, 18 anyos, Alfred Mahusay, 18 anyos, lunsay pumuluyo sang Punta Brgy. Zone 6 kag Jeremy Belasa, 18 anyos, residente sang Purok Salmon, Brgy. Zone 6 kag Nico Anere, 21 anyos sang Brgy. Zone 5.
Suno sa pagpangusisa sang Cadiz City Police Station, ang biktima kag ang iya grupo ang nagapungko sa sulod sang Cadiz City Park may mga la una sini gid lamang nga kaagahon sang nag-abot ang grupo sang mga suspek.
Nakibot na lamang sila sang hinali na lamang nga ginbuno sang mga suspek ang biktima gamit ang kutsilyo.
Ini siya ang nag-angkon sang pila sa iya tuo nga tiyan kag gilayon gindala sa Cadiz City Emergency Clinic.
Ang mga suspek naman nga sanday Oliver Agustin kag Carlo Enumerable sang gilayon nga nadakpan samang ang 3 ka iban pa ang nagpalagyo kag padayon karon nga ginalagas sang utoridad./dyHB BACOLOD
