Con serca ciento miembro del Moro Islamic Liberation Front (MILF) muntao na maga vans ya aguanta el maga soldao y pulis na checkpoint na Divisoria enantes aga.
Ya alcansa el RMN Zamboanga con cuatro maga van lleno de maga hombre y cuantos lang maga mojer y bata donde ya admiti sila que maga miembro sila del MILF base na Basilan.
Na entrevista canila del RMN Zamboanga ya habla sila que encamino sila pabolbida na Basilan esta sila atende el BBL forum na Sultan Kudarat.
Asegun canila ya anda sila na Sultan Kudarat pasando aqui na ciudad pormedio de muntar el diila vejiculo na Ro-Ro Lancha y despues el dos dia forum ya tene sila que bira otravez aqui na ciudad para muntao lancha para na Basilan.
Pero de llegar sila na checkpoint del pulis y marines na Divisoria, ya hace canila para para el propio incpeccion.
Donde ya tene que pidi canila I.D. el maga pulis y marines para el profiling.
Durante el inspeccion, nohay man tambien encuntra tal contrabando na destos possession.
Despues el profiling, ya man escort canila el maga pulis y marines para na pantalan.
