Gin-aresto sang gintingub nga puwersa sang kapulisan kag militar ang Coordinator sang Anak-pawis kag Treasurer sang Pamanggas sa banwa sang Maasin kahapon sang kaagahon matapos serbehan sang search warrant bangud sa illegal possession of fire-arms.
Alas 5:25 kahapon sang kaagahon sang ginserbe sang mga otoridad ang search warrant sa balay ni Herman Allesa nga nagserbe man bilang Barangay kapitan sang Barangay Bolo, Maasin.
Narecover sang mga otoridad ang isa ka granada sa balay ni Allesa kabangdanan nga ini siya ang gin-aresto kag priso na karon sa Maasin Police station.
Ginatudlo man si Allesa nga isa sa mga yara sa likod sang pagsalakay sang mga rebelde nga NPA sa Maasin police station sang 2016.
Mabaskog naman nga ginpanindugan ni Allesa nga planrted ang nakuha nga granada sa iya balay.
Gin-ako ni Allesa nga nangin kabahin siya sang NPA apang bangud sa problema sa ikaayong lawa sini siya ang nagsurrender sang 1991 kag na-clear sang 1994.
Sang 2005-2008, ini siya ang nangin Barangay Kapitan sang Barangay Bolo, Maasin kag karon nagaserbe bilang Treasurer sang grupo nga Pamanggas kag Coordinator sang Anak-pawis sa banwa sang Maasin.
