Davao City – Dili gyud malikayan nga moubos ang presyo sa copra ilabina kung daghan ang supply sa world market nga maoy nagkontrola sa presyo.
Gipasabot sa kanhi chairman sa committee on agriculture sa konseho syudad sa Davao Councilor Condrado Baluran sa ikatulong distrito sa syudad, dili malikayan nga moubos gayud ang presyo ilabina nga mikompetinsya na usab ang palm oil.
Matud ni Baluran, kinahanglan dunay mga dagkong negosyante nga magbutang og negosyo sa nasod nga maoy moproseso sa lubi.
Usa usab sa nakita nga solusyon niini nga problema matod ni Baluran mao ang pagpatuman sa pederalismo nga matang sa gobyerno tungod kay dinhi na lang ang proseso sa mga produkto ug kita ang magbuot sa presyo aron dili magawngan sa ubang kanasuran.
RadyoMaN Bernard Pantallon
