Davao City – Dili sakop sa election violation ang pagmodipika sa mga sikat nga soundtracks aron gamiton sa pagpangampanya niining Barangay ug Sangguniang Kabataan Election (BSKE).
Kini mao ang giklaro ni COMELEC-XI Regional Election Attorney Spokesperson Atty. Krisna Samantha Caballero kinsa miingon na posible silang kasohan bahin sa copyright infringement.
“This could be another case filed against them (candidates), it could be in relation to violation kasi ilang gi-publish (ang song/poster) na wala silay pananghid sa mga original na tag-iya,” segun niini.
Gani, nagbahad ang tigpamaba sa COMELEC ngadto sa mga kandidato karong BSKE nga mangayo og permiso sa mga orihinal nga composers o bin ba kaha sa mga lay-out artists sa posters.
Sa pikas bahin, gipamahayag ni Atty. Caballero nga kung aduna silay madawat nga complaint kabahin sa saba nga pagpangampanya ilabi na matag gabii, magsumite sila og suhestiyon ngadto sa regional office sa COMELEC aron malimitahan ang oras sa pagpangampanya.
RadyoMaN Jason Amisola
