CAUAYAN CITY – MAGTATAYO NG CORN PROCESSING COMPLEX ANG LUNGSOD NG CAUAYAN KATUWANG ANG DEPARTMENT OF AGRICULTURE REGION 2 SA BARANGAY VILLA LUNA NA LAYONG PAUNLARIN ANG INDUSTRIYA NG MAIS AT MAPATAAS ANG KITA NG MGA LOKAL NA MAGSASAKA.
IDINAOS ANG MEMORANDUM OF AGREEMENT SIGNING SA BAMBOO HALL, KUNG SAAN PERSONAL NA LUMAGDA SINA MAYOR CAESAR JAYCEE DY AT DR. ROSE MARY G. AQUINO, REGIONAL EXECUTIVE DIRECTOR NG DA REGION 2.
AYON KAY CAUAYAN CITY MAYOR JAYCEE DY, MALAKING KARANGALAN PARA SA LUNGSOD NA MAPILI BILANG LOKASYON NG NATURANG PASILIDAD NA MAGSISILBING SENTRO NG PAGPOPROSESO NG MAIS SA REHIYON.
NAGPAHAYAG RIN NG PASASALAMAT SI DR. AQUINO SA SUPORTA NG LOKAL NA PAMAHALAAN SA MGA PROGRAMA NG DEPARTMENT OF AGRICULTURE. ANIYA, ANG ITATAYONG POST-HARVEST FACILITY AY MAKATUTULONG UPANG MABAWASAN ANG PAGKALUGI NG MGA MAGSASAKA AT MAS MAPAHUSAY ANG KALIDAD NG KANILANG PRODUKTO, NA MAGRERESULTA SA MAS MATAAS NA KITA.
DUMALO BILANG MGA SAKSI SA KASUNDUAN SINA EDGAR DE LUNA NG VILLA LUNA MULTI PURPOSE COOPERATIVE, CITY COUNCILOR RUFINO C. ARCEGA, ROBERTO T. BUSANIA (REGIONAL TECHNICAL DIRECTOR NG DEPARTMENT OF AGRICULTURE), ENGR. EDWARD LORENZO (CITY ENGINEER), ENGR. RICARDO ALONZO (CITY AGRICULTURIST), AT ENGR. FERDINAND R. SERQUINIA (ENGINEER 4, AGRICULTURAL AND BIOSYSTEMS ENGINEERING UNIT).
SAMANTALA, SA PAMAMAGITAN NG PROYEKTONG ITO, INAASAHANG MAGIGING MODELO ANG CAUAYAN CITY SA PAGSUSULONG NG AGRI-INDUSTRIAL INNOVATION SA CAGAYAN VALLEY, NA MAGBIBIGAY NG BAGONG OPORTUNIDAD PARA SA MGA MAGSASAKANG NAGTATANIM NG MAIS.
