Davao City- Adunay katin-awan ug development ang gituohang rape-slay case ni Christine Corpuz.
Sa interbyu sa RMN Davao kang Davao City Police Office (DCPO) City Director Police Col. Kirby John Kraft, gipalig-on pa nila ang ebidensya karon batok sa person of interest sa krimen.
Matud ni Kraft, sa ilahang gihawirang CCTV footage, adunay mga nilabay nga mga tawo nga ilahang ginasubay ug ginaimbestigahan sa posibilidad diha sa kalambigitan sa pagpatay kang Christine Corpuz.
Gimanduan usab ni Kraft ang hepe sa Buhangin PNP nga si Police Major Bernie Suaga nga solbaron ang maong kaso.
“Lahat ng kaso na hinahawakan naming talagang may pressure, kailangan mong i-solve iyan. Kaya iyon iyong i-ano ko sa mga station commanders at mga investigators, continuous iyong aming case conference, kaya namu-monitor ko kung ano ang ginagawa nila,” sumala ni Kraft.
Gibutyag ni Kraft nga sa autopsy report sa biktima nigula nga adunay sign of rape ang sumala sa medico legal officer human nga nakitaan og paghubag sa genitalia niini.
Narekober usab sa crime scene ang usa ka bato nga posibleng maoy gigamit sa pagparok sa ulo sa biktima.
Matud ni Kraft sa autopsy report, ‘suffocation by asphyxia’ ang cause of death sa
biktima.
Kahinumduman nga nakit-an ang patayng lawas ni Corpuz niadtong Domingo sa hapon, Marso 1 sa kasagbutan nga bahin sa Ladislawa Village, Brgy. Buhangin Proper Davao City o 150 meters gikan sa iyang panimalay sa NCCC Village Buhangin.
Sa pagkakaron, gikanayon ni Kraft nga wala pay niduol o nipatim-aw nga indibidwal nga adunay impormasyon sa insidente subay sa gitanyag nga P300, 000 nga ganti ni Davao City Mayor Sara Duterte.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
