El director regional del Commission on HUman Rights si Atty. Frederick Ian Capin ta confundi si porque necesita pa extende con el Martial Law aqui na Mindanao como cosa ta plania el Fuersa Armada del Pilipinas.
Asegun con Capin nohay question con entero anio de 2018 extension del martial law porcausa decision este del corte suprema pero nohay mas rason para extende pa con este.
Si Capin ya habla si mira na lei, el declaration del martial law solamente si tiene el invasion o rebellion ta sosede egual con el cosa ya pasa na Marawi del Mayo, 2017.
Pero el manera ahora donde el AFP amo el saca opinion del cuantos sector na paiz aber para sabe si quiere extende con el martial law, para con Capin dol gendeh mas este ta sigui con el lei.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
