Davao City – Hugtanong gikondena ni Cotabato Governor Nancy Catamco ang nahitabong pagpamomba sa National Highway, Barangay Sibsib, Tulunan North Cotabato alas-12:30 kagahapon sa udto (Enero 27, 2021), diin usa (1) ang kumpirmadong patay nga nailang si Gina Paunon, 53-anyos, residente sa Barangay Cajelo, Tulunan, North Cotabato.
Matud ni Catamco, gawas nga kini paglapas sa balaod, paglapas usab kini sa tawhanong katungod, rason nga angay lamang manubag ang mga responsable sa krimen.
“Ang insidenteng ito ay isang dagok laban sa seguridad at kapayapaan ng ating probinsya. Ngunit tulad ng lahat ng mga pagsubok na ating napagdaanan sama sama at tulong tulong tayong bumangon,” tipik sa pamahayag niini.
Gipaniguro usab sa gobernadora nga matabangan ang kabanay sa namatay ug ang unom (6) ka indibidwal nga naangol sa insidente nga daling gidala sa balay tambalanan nga mao sila:
Rodel Secur, 24-anyos, residente ng Midsayap,
Kent Lloyd Senadero, 19-anyos, taga Poblacion Tulunan,
Edwardo Odango, taga Kidapawan City,
Richie Pedroso, 32-anyos, usa ka gwardya
Lorester Cojo, 25-anyos, taga Purok 3, F. Cajelo, Tulunan, ug
Jake Campano, 19-anyos
Panawagan sa opisyal nga kanunayng mag-igmat ug gilayong i-report sa otoridad ang mga kaduduhang butang o indibidwal aron malikayan ug dili na masubli ang panghitabo.
RadyoMaN Kirby Manzon
