Nagpaidalum sa home quarantine si City Councilor Allan Zaldivar matapos ma-expose sa iya utod kag pamilya sini nga nag-abot halin sa Australia.
Suno kay Zaldivar nga nagdesisyon siya nga mag-self quarantine agud masiguro ang kahilwayan sang mga Ilonggo sa posible paglapta sang Corona virus disease 2019 ukon COVID 19.
Ginpahayag ni Zaldivar nga sang Marso 12, alas 8:30 sang gab-i sang mag-abot ang iya utod kag ang bana kag bata sini gikan sa pungsod Australia nga may positibo nga kaso sang COVID-19 kon sa diin may tatlo ka napatay.
Suno kay Zaldivar nga bilang chairman sang committee on Health sang City Council, obliogasyon niya nga maamligan ang ikaayonmg lawas sang mga Ilonggo kabangdanan nagakadapat lamang nga magpaidalum siya sa self-quarantine.
Ginpasiguro sang konsehal nga apesar yara siya sa ila puluy-an, padayon siya nga magabantay sa sitwasyon kag padayon nga magatrabaho.
