Councilor Ed Peñaredondo bukas kun ano man ang committee nga ihatag sa iya sang mayoriya

60

SYUDAD sang Iloilo – Bukas si re-elected City Councilor Eduardo Peñaredondo kun ano nga committee ang ihatag sa iya sang mayoriya sa city council.

Suno kay Peñaredondo, ginakilala niya ang poder sang majority nga uyatan ang committees nga ila gusto.


Pahayag sang konsehal ini ang iya pamaagi sang kooperasyon sa administrasyon ni incoming city mayor Jerry Treñas.

Nahibaluan nga si Peñaredondo ang pinaka senior nga katapo sang konseho kun hambalan ang kalawigon sang pagserbisyo bilang konsehal.

Kalakip sa mga committees nga iya ginauyatan amo ang committees on appropriations, styles, justice and ordinances, zoning kag nagserbe man sya nga majority floor leader.// via Joel Franco reports

Photo from web

Facebook Comments

From Advertisers