Natalana nga magapalayag sang privilege speech si Councilor Ely Estante sa session sang City Council buwas nga adlaw agud kuwestyunon ang ginapahayag irregularidad sa pagpanagtag sang native chicken bilang kabahin sang livelihhod project sa mga imol nga pumuluyo sang siyudad.
Suno kay Councilor Estante nga magapalayag siya sang privilege speech agud iduso ang paghiwat sang investigation in aid of legislation.
Nahibaluan nga nangin kontrobersyal ang nasambit nga proyekto matapos nagreklamo ang mga benepisyaryo nga tuman ka gamay ukon mga pisu pa lamang ang mga native chicken nga ginpanagtag imbes nga mga talin-talin.
Magluwas nga tuman ka gamay sang ginpanagtag nga mga manok, makabig pa ini nga overpriced sa presyo nga halos 200 pesos ang kada isa.
Ang nasambit nga programa kabahin sang Iloilo City integrated community food production project nga kabahin man sang poverty alleviation program sang siyudad.
kapin 2 mil ka mga imol nga residente sang siyudad ang benepisyaryo sang nasambit nga proyekto paagi sa City Agriculture office. (sspunay)
