Davao City – Gihimakak ni Committee on Housing, Rural and Urban Development Chairperson Rene Elias Lopez ang alegasyon nga nangayo siya’g kwarta sa usa ka negosyante diha sa sand and gravel quarry nga proyekto.
Matud ni Lopez nga nagpabilin siyang matinud-anon isip usa ka public servant ug wala siya nagpasuborno aron lamang mataagan og permit ang usa ka negosyante.
“I would like to state right now that your committee chair has not in any way ask or approach any of these applicants for the purpose of monetary consideration in exchange for the approval of the application of these quarry applicants,” sumala ni Lopez.
Segun sa konsehal walay gahum ang usa ka komitiba nga mutugot sa operasyon sa usa ka quarry inay ang konseho ang makaaproba lamang niini.
Atol sa PPP, gimanduan si Lopez ni Vice Mayor Bernard Al-ag nga tubagon ang alegasyon ug klaruhon kini sa publiko.
Matud ni Al-ag nga subay sa ilang gihimong imbestigasyon sa konseho, nasayran nga adunay lima kabuok aplikante sa quarry permits nga pending sa komitiba nga gihawiran sa konsehal.
RadyoMaN Aimee Guinita
