Davao City – Nipailawom sa HIV-AIDS testing ang pipila ka mga konsehal sa 18th City Council karong adlawa, Nobyembre 20, inay kini mahitabo sa petsa 22.
Sumala ni Priscilla Senoc, Health Education and Promotion Officer III sa City Health Office (CHO), walo ka mga konsehal ang nipatim-aw alang sa HIV-AIDS testing diin usa na dinhi si Vice Mayor Bernard Al-ag kinsa nangulo sa pagpagula og memo aron awhagon ang mga empleyado sa lokal nga panggamhanan nga magpa-test.
Segun ni Senoc nga tumong niini ang pagkunhod sa stigma ingon man diskriminasyon sa maong balatian.
“Ang HIV-AIDS testing in one of the concern for the prevention ng spread ng HIV so this activity we ignite our City Councilors to be with us to tell the people that there is no stigma of HIV testing,” butyag niini.
Saysay ni Senoc nga una ang testing, mupailawom usa ang pasyente sa counseling diin boluntaryo kining magpatest ug gipaniguro nga ang counselor ug ang medical technician lang ang masayod sa resulta niini.
Gawas sa mga konsehal, adunay laing 800 ka mga membro sa Iglesia Independiente ang magpa test usab sa RMC Gym isip suporta sa maong kampanya.
Dugang sa opisyal sa CHO nga parte kini sa opening salvo sa obserbasyon sa World Aids Day sa Disyembre 1 diin nakadisidir ang syudad sa Davao nga ibalhin kini sa Disyembre 4.
RadyoMaN Jason Amisola
