Ginpanugyan ni presidente Rodrigo Duterte sa mga bag-o nga graduates sang
Philippine Military Academy nga ikabuhi gid pirme ang ginatudlo sa ila nga
“courage, integrity kag loyalty” sa pagsulod sa panibag-o nga chapter sang
ila ka buhi.
Ginhimo ni pangulong Duterte ang pahayag sa graduation
rites sang Philippine Military Academy sa Fort del Pilar, Baguio City.
Ginpahayag sang presidente nga isa ila paguwa sa PMA,
sigurado nga maga-atubang ang bag-o nga mga suldado sa mga realidad nga
mas kumplikado sa mga inagihan nila sa akademya.
Apang nagasalig siya nga bastante ang paghanas kag paghurma
sa ila sang akademya agud magserbe nga mga lider sang pungsod.
Suno pa sa presidente, indi mapaslawan ang mga bag-o nga
suldado basta pangibabawon lamang ang disiplina kag determinasyon.
Kadungan sini, ginpahayag ni pangulong Duterte nga magluwas
sa pagpataas sa suweldo sang mga suldado, masunod man nga pataasan ang ila
mga bonus kag allowance.
Liwat man nga ginpat-od ni Duterte nga magapadayon ang AFP
modernization program para sa nagakaigo nga benepisyo kag makabag-o nga
kagamitan sang mga suldado para sa epektibo nga pagtuman nila sa
katungdanan.
Photo from web
