Davao City – Ang kadugayon sa dagan sa kaso ang sagad rason nganong dili na ginapadayon ang pagpasaka og kaso sa mga nabiktima sa pagpanglugos.
Sumala ni Talikala Inc. Executive Director Janette Ampog-Laurel, molungtad og lima ka tuig ang trial sa korte bisan pa man aduna nay direktiba nga unahon ang kaso sa trafficking.
Sugyot ni Laurel nga kinahanglan mapadali ang kaso ilabi na nga ang biktima usa ka bata.
Base sa natala sa City Legal Office, adunay 105 ka mga kaso sa pagpanglugos diin 14 niini ang nangayo og advice ug siyam ang nag file og kaso samtang 64 ka mga kaso sa child trafficking diin walay nipasaka og kaso.
Subay niini, gikalipay sa Talikala ang lakang karon sa Integrated Bar of the Philippines sa paglusad sa pinakaunang Community Legal Assistance Services (CLAS) karong Setyembre 22 sa Brgy. Talomo gumikan dili tanan makahigayon sa pagpangayo og legal assistance.
RadyoMaN Jason Amisola
