Ginmandu-an sang Court of Appeals Special 17th Division ang Mandaluyong RTC Judge kag PECO nga untaton sang 60 ka adlaw ang pagpatuman sang anay ginpaguwa nga 20 days TRO batuk sa MORE Power franchise.
Madumdoman nga una nagpaguwa si Mandaluyong Regional Trial Court Branch 209 Judge Monique Quisumbing-Ignacio sang Marso12, 2019 nga nagamandu sa MORE Power nga indi pagdayonon ang iya expropriation proceedings kag pag-takeover sang mga assets sang PECO.
Ginpaguwa sang CA ang decision pabor sa MORE Power Corporation sang nakaligad nga adlaw (Marso 28)
Bangud sini, ginpahayag ni Jonathan Cabrera, spokesperson sang MORE Power Corporation nga wala na sang sablag sa pag-proseso sang kumpaniya sang kinahanglanon nga mga dokumento para sa pagtake-over sang operasyon sang Panay Eelectric Company.
