Covenant Signing ug Unity Walk sa bske 2023 suportado sa liga ng mga barangay president

Davao City – Suportado sa Liga ng mga Barangay President Brgy.Captain Edgar Ibuyan Sr., human nahinabi sa DXDC RMN Davao kabahin sa gipahigayong Peace Covenant Signing ug Unity Walk sa pagpanguna sa San Pedro Police Station kagahapon, alas 7:00 sa buntag September 20, 2023 sa People’s Park, Davao City.

Segun ni Ibuyan, ang peace covenant signing ug unity walk, timaan nga adunay panaghiusa ug nagpakitag suporta sa mga kandidato sa Barangay and Sangunggiang Kabataan Election (BSKE) 2023.

Gi-awhag usab ni kapitan Ibuyan ang mga kandidato nga magpabiling kalmado ug dili magpadala sa ka-init sa election kansang tumong kaayohan ang labaw’ng makagagahum maoy mo-giya ug magapanalangin.

Nahinabi usab sa DXDC News Team si Police Major Marvin Hugos, Station Commander sa San Pedro Police Station gibutyag niini, kapin 500 ka mga kandidato gikan sa nagkadaiyang Barangay ang mipartisipar sa maong kalihukan.

“Assure nato nga mahimong hapsay ug peaceful ang ipahigayon nga Barangay and Sangunggiang Kabataan Election (BSKE) 2023 karong sunod bulan”, sulti ni Hugos.

RadyoMaN Don Pulayao