Contrevercial ahora elasunto aserca el plano para man demolish o bunca con el un covered court na barrio de Sangali.
Na cobrida del RMN y IFM Zamboanga na lugar ya descubri que el covered court amo ya lebanta del maga años ya pasa baho na proyecto del antes congresista del Segundo distrito di Congressman Erbie Fabian.
Asegun con el barangay chairman del lugar si Daud Toto Bakil, el terreno donde parao el mencionao covered court ta dueña ahora el familia Magasa despues sila ya compra con Sheryl Bantiling el primer dueño del propiedad.
Ta aparese el tiempo ya planta conel covered court el maga de DPWH nohay sila verifica el lugar donde ya man camali sila donde ya lebanta con el menciionao istractura.
Asegun con Bakil quien aquel tiempo barangay kagawad pa lang le, el propio tiera donde deve era pone con el covered court tiene pa el distancia de cuantos metro pero nohay con este chequia enbuenamente el maga del DPWH.
Ayer amo el dia donde ya dale el Magasa family para bunca con el covered court pero nohay este pursigi sin bastante rason.
El familia Magasa tiene plano lebante otro istractura namencionao lugar.
