Davao City – Mokabat sa 125 ka mga patayng lawas nga may kalambigitan sa COVID-19 ang napa-cremate sa City Government of Davao.
Matud ni Davao City Mayor Inday Sara Duterte-Carpio, pito ka mga cadavers ang gitakdang i-cremate.
“Nagsugod ta’g April 16, some of them died before April 16. Those who died before April 16 wala gyod to sila naapil sa atoang cremation referral system,” segun sa Mayor.
Dugang sa alkalde nga gusto sa City Government of Davao nga ma-comply ang requirement sa doktor nga sulod sa 12 ka oras ma-cremate ang mga patayng lawas.
“Before there was an issue about the management of the dead, ang nakitang issue sa pagpasunog is that ang usually ang rason sa kalangan is ang resources sa family sa deceased,” sulti ni Mayor Inday.
Sa datos gikan sa Southern Philippines Medical Center (SPMC), 29 na ang kumpirmadong namatay sa COVID-19.
Kahinumduman nga gibutyag sa Mayor nga ginaproseso sa lokal nga gobyerno ang mga patay’ng lawas kinsa girekomendar sa mga doktor nga kinahanglang ipa-cremate.
RadyoMaN Aimee Guinita
