Davao City – Nagpabilin gihapong tulo ang persons under investigation (PUIs) sa Coronavirus Disease 2019 (COVID)-19 dinhi sa Davao region.
Sa interbyu sa DXDC RMN Davao kang Dr. Ricardo Audan, Chief of Clinics sa Southern Philippines Medical Center (SPMC), gipasabot niini nga nalakip gihapon sa PUIs ang usa ka Australiano nga nagnegatibo sa COVID-19 diin wala pa kini gi-discharge human gikuhaan kini’g laing sample.
“Naa tay tulo, ang isa kadto man tong Australian nag negative pero nagkuha na pud mi’g another one [sample] wala pay result kay nanigurado lang ta. Pero kadtong duha ka PUI, they are all doing well,” tataw ni Audan.
Gibutyag usab ni Audan nga wala nay nakitang simptomas sa virus sa duha ka PUIs gawas sa Australian national ug ginapaabot na lamang usab ang resulta sa laboratory sa nahisgutan.
RadyoMaN Kirby Manzon
