Davao City – Mokabat sa 7,723 ang aktibong kaso sa Coronavirus Disease 2019 (COVID-19) sa Davao Region, subay sa datus nga gipagula sa Department of Health (DOH-XI) kagahapong adlawa (Hulyo 13, 2021) diin adunay nadugang nga 253 COVID-19 local cases sa rehiyon.
Sa maong ihap, 109 gikan sa Davao City, 67 sa Davao de Oro, 64 sa Davao del Norte, 7 sa Davao Oriental, 5 sa Davao del Sur ug 1 sa Davao Occidental, samtang mokabat usab sa 465 ang nakarekober sa COVID-19 kagahapong adlawa.
Sa maong ihap sa recoveries, 176 gikan sa Davao City, 49 sa Davao de Oro, 169 sa Davao del Norte, 41 sa Davao del Sur, 12 sa Davao Occidental ug 18 sa Davao Oriental. Anaa usab sa 16 ang natalang mipanaw, diin 6 sa Davao City, 1 sa Davao del Sur, 4 sa Davao del Norte, 4 sa Davao Oro ug 1 sa Davao Occidental.
Padayong panawagan sa DOH-XI sa publiko nga tumanon ang minimum public health standards aron dili mataptan sa COVID-19.
RadyoMaN Kirby Manzon
