Davao City – Gi-lockdown karon ang Purok Kalipay, Brgy. Agdao Proper, syudad sa Davao, human nga dunay usa ka vendor ang nagpositibo sa COVID-19.
Sa pakighinabi sa DXDC RMN Davao kang Brgy. Agdao Proper Spokesperson Pedro Arthur Junsay, ang maong vendor nagtinda sa Agdao Public Market human gipailawom sa Rapid Diagnostic Test ug swab test niadtong milabay’ng adlaw.
Segun ni Junsay, ang Purok Kalipay gilockdown nga dunay 26 ka household, 36 ka pamilya ug 53 ka mga indibidwal nga nagpuyo sa maong Purok.
“Kadtong petsa 2, gi-lockdown sila kay duna may nahimong nagpositibo isa. Pagkahuman gikuha ug gi-isolate naman ang nagpositibo unya ang kana diha naa man silay close contact sa nagpositibo kay boarding house man mao nang gi-lockdown diha kay gamay raman nga lugar,” segun ni Junsay.
RadyoMaN Don Pulayao
