Davao City – Gihinayan si Prof Randy Ponteras sa aksyon sa kagamhanan sa pagtubag sa batakang panginhanglan sa mga kabus niining pagpatuman sa Enhanced Community Quarantine (ECQ).
Gipanukaran ni Ponteras ang daghan kaayong reklamo gikan diha sa mga kabarangayan ilabina ang pagpang apod apod sa ayuda gikan sa kagamhanan ilabina kadtong mga pangunsumo.
Sumala sa professor nga kinahanglan dut an ug maayo sa mga ahensya sa gobyerno, opisyal sa brgy mga LGUs kay iyang na nabati ang makabungol nga bagulbol sa mga katawhan nga apektado sa coronavirus crisis.
“Ang atoang gobyerno usahay hinay gayud ang iyang aksyon so hinaot nga paspasan pa gamay sa gobyerno. Paspasan pa no kadtong giingon nga second round nga hinabang sa syudad dapat makanaog dayon bag o mahuman ang semana kay pait na ang mga kabus. Hinaot masabtan sa mga frontliners nga mga tighatud ug hinabang nga pait gyud ang katawhan bisan gani kadtong wala pay COVID.” sumala ni Ponteras.
Apan angay usab nga sabton ang mga hingtungdang ahensya nga gitahasan sa kagamhanan sa pagtubag sa panginahanglan sa katawhan nga apektado sa lockdown kun adunay abarya tungod kay tibook nasod man ang ilang giatubang nga atimanon.
RadyoMaN Erin Lumosbog
