Davao City – Gipaniguro sa lokal nga gobyerno sa probinsya sa Davao de Oro nga matabangan ang mga indibidwal nga na-stranded gawas sa probinsya nga buot muoli gumikan sa sitwasyon karon sa Coronavirus Disease 2019 (COVID-19).
Sa interbyu sa DXDC RMN Davao kang Jayvee Tyron L. Uy, Davao de Oro (DDO) governor, gibutyag niini nga gimugna ang BALIK DDE ORO, programa sa pagsundo ug paghatud sa mga na-stranded nga mga residente sa ubang lungsod sa Davao Region ug sa ubang rehiyon sa nasud.
Matud ni Uy nga naghatag ang LGU-DDO gikan Mayo 2 hangtud Mayo 7, 2020 alang sa application period sa pagkuha sa datos sa mga na-stranded nga indibidwal pinaagi sa pagtawag o kaha pinaagi sa online application ug kini i-agi sa verification process.
Sa post sa Province of Davao de Oro Facebook page, aduna’y duha (2) ka paagi sa pag-apply: Una, i-kontak ang mga hotline, 0909-349-4643 (TNT) ug 0956-715-1949 (Globe). Ikaduha, mao ang pag register online, sa bit.ly/balikddeoro, pagtubag sa tanang pangutana sa Google Form, ug pagpaabot samtang ginaberipika ang impormasyon.
Pagasugdan usab ang transport operation sugod sa Mayo 16, 2020 diin gilaumang mahuman na ang Enhanced Community Quarantine (ECQ) sa maong panahon.
RadyoMaN Kirby Manzon
