COVID-19 bed capacity sa mga ospital, ginapadugangan!

53

Roxas City, Capiz- Nagpanawagan ang Department of Health (DOH) sa pampubliko kag pribado nga mga ospital nga dugangan ang gin-aprobahan nga total bed capacities sang mga ini para sa mga COVID-19 patients.

Ini ang ginpahayag ni Health Secretary Francisco Duque III matapos nga magdeklara na sang full COVID-19 bed capacity ang pila ka mga ospital sa National Capital Region (NCR).


Suno kay Duque, ginsapol niya ang mga Metro Manila medical center chiefs kag mga representante sang mga dalagkoan nga private companies kag naghenyo ini nga halin sa 20- percent total bed capacities sang mga pribado nga ospital, dugangan ini sang 10-percent bangud sa nagasaka nga numero sang mga COVID-19 cases sa pungsod.

Samtang sa mga pampubliko nga ospital naman, ginhenyu sang sekretaryo nga halin sa 30- percent allocated bed capacity, himuon na nila ini nga 50- percent.

Sa pihak nga bahin, target sang gobyerno nga makatukod sang 50 ka mga bag-o nga quarantine facilities sa masunod nga tatlo ka semana sa atubang sang padayon nga pagsaka sang kaso sang COVID-19 sa pungsod.

Suno kay Public Works and Highways Secretary Mark Villar nga amu man ang nagaserbe nga Chief Isolation Czar, 11 ka quarantine facilities ang ginatukod sa Central Visayas, 16 sa Eastern Visayas, 20 sa Northern Mindanao, kag 3 sa Soccsksargen Region.
📷(c) – web



Facebook Comments