Davao City – Gihulat na lamang sa Davao City Coronavirus Disease 2019 (COVID-19) Task Force ang guidelines gikan sa Department of Health (DOH) sa pag-administer sa COVID-19 booster dose alang sa 12-17 anyos.
Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), nagpaabot na lamang sila sa direktiba una kini hingpit nga ipatuman dinhi sa dakbayan.
“Kung wala pa mi maka-receive og guidelines then we will not be able to roll it out here (in Davao) even if Luzon area is already starting it,” sulti ni Schlosser.
Matud ni Schlosser sa pagkakaron, anaa pa lamang sa 20% ang nakakuha sa ilang unang booster dose dinhi sa syudad.
Padayon ang panawagan sa health official alang sa eligible individuals nga nga i-avail ang ilang booster dose diin kini dugang proteksyon batok sa COVID-19.
RadyoMaN Kirby Manzon
Facebook Comments
